ਜਿੰਦ ਦੇ ਅਟੱਲ ਅਸੂਲ
ਨਾੜੂ ਕਟ ਜਾਂਣ ਨਾਲ ਨਾਤੇ ਨਹੀਂ ਟੁੱਟਦੇ
ਔਲਾਦ ਲਈ ਮਾਂ ਪਿਆਰ ਦੇ ਝਰਨੇ ਨਹੀਂ ਸੁਕਦੇ
ਰੰਝਸ਼ ਭਰੇ ਦਿਲੋਂ ,ਗਿਲੇ ਨਹੀਂ ਕਦੀ ਮੁਕਦੇ
ਸਟ ਖਾ ਆਪਣਿਆਂ ਤੋਂ, ਭਲੇ ਮਾਣਸ ਪਿਆਰ ਕਰਨੋਂ ਨਹੀਂ ਰੁਕਦੇ
ਲਖ ਕੋਸ਼ਿਸ਼ ਬਾਜੋਂ ਬੁਰੇ ਕਾਰਨਾਮੇ ਨਹੀਂ ਲੁਕਦੇ
ਜਾਹਰ ਹੋ ਜਾਂਦੇ ਇਕ ਦਿਨ,ਸਦਾ ਜਗ ਤੋਂ ਨਹੀਂ ਛੁਪਦੇ
ਮਾੜੇ ਦਿਨੀਂ ਸਬਰ ਕਰੋ,ਚੰਗੇ ਦਿਨ ਵੀ ਹਨ ਔਣੇ
ਸਬਰ ਦਾ ਫਲ ਮਿੱਠਾ ਹੁੰਦਾ, ਕਹਿ ਗਏ ਸਿਆਣੇ
ਬਦਲਣਾ ਜਿੰਦਗੀ ਨੇ,ਇਹ ਹੈ ਅਟੱਲ ਅਸੂਲ
ਇੱਕੋ ਜੀਆ ਨਹੀਂ ਰਹਿਣਾ,ਸਮਾ ਪਲਟੇਗਾ ਜਰੂਰ
ਅਜ ਦੇ ਉਦਾਸੀ ਵਿੱਚ ਆਪ ਨੂੰ ਪਾਂਵੇਂ
ਕਲ ਉਮੀਦ ਲੈ ਚੜੂ,ਤੂੰ ਸੁੱਖੀ ਹੋ ਜਾਂਵੇਂ
ਰਖ ਜਿੰਦੀ ਆਸ ਦਿੱਲ ਵਿੱਚ, ਹੋ ਰਿਆ ਚੰਗਾ ਤੇਰੇ ਲਈ
ਸੋਚ,ਰਖਣਹਾਰ ਦੀ ਨਜਰ ਸਵੱਲੀ ਮੇਰੇ ਲਈ
ਪਿਆਰ ਕਰ ਉਸ ਦੀ ਰਚੀ ਨਾਲ,ਬਿਨ ਸਵਾਲ ਕੀਤੇ
ਧੰਨ ਦੌਲਤ ਨਾ ਮੰਗ ਉਸ ਤੋਂ, ਮੰਗ ਤੰਦਰੁਸਤੀ ਤੇਰਾ ਜੀਵਣ ਬੀਤੇ
No comments:
Post a Comment