ਮੈਂਨੂੰ ਨਹੀਂ ਪਤਾ ਮੈਂ ਕੌਣ
ਮੈਂਨੂੰ ਨਹੀਂ ਪਤਾ ਮੈਂ ਕੌਣ
ਪਰ ਜੀਵਨ ਜੀਆ ਉੱਚੀ ਕਰਕੇ ਧੌਣ
ਪੈਸਾ ਜਾਦਾ ਕੱਠਾ ਨਾ ਕੀਤਾ ਨਾ ਹੋਇਆ ਕਰਜ਼ਾਈ
ਖੁਲਾ ਕਦੇ ਖਰਚਣ ਨਹੀਂ ਮਿਲਿਆ ਲਕਸ਼ਮੀ ਦੀ ਰਹੀ ਆਵਾ ਜਾਈ
ਗਰੀਬ ਨਾ ਸਰਮਾਈ ,ਪੂਰਾ ਨਾ ਹੋਇਆ ਰੁਪਿਏ ਚ ਰਹੀ ਪੌਣ
ਮੈਂਨੂੰ ਨਹੀਂ ਪਤਾ ਮੈਂ ਕੌਣ
ਕੋਈ ਕਹੇ ਮੈਂ ਮਹਾਂਰਾਜਾ ਕੋਈ ਕਹੇ ਮੈਂ ਸਿਤਾਰਾ
ਕੋਈ ਕਹੇ ਮੈਂ ਰੌਣਕੀ ਬੰਦਾ ਤਾਰੀਫ ਕਰੇ ਮੁਹੱਲਾ ਸਾਰਾ
ਫੂਕ ਖਾ ਮੈਂ ਫੁਲਾਂ ਫਿਰ ਸੋਚਾਂ ਸ਼ਾਇਦ ਮਜ਼ਾਕ ਮੇਰਾ ਅੜੌਣ
ਮੈਂਨੂੰ ਨਾ ਪਤਾ ਲੱਗੇ ਮੈਂ ਕੌਣ
ਸਮਝਾਂ ਆਪ ਨੂੰ ਵਿਧਵਾਨ
ਪੜ ਗ੍ਰੰਥ ਲਵਾਂ ਗਿਆਨ
ਫਿਰ ਵੀ ਰਹਾਂ ਅੰਧ ਅਗਿਆਨ
ਪੂਰੇ ਸ਼ਬਦ ਸਮਝਾਂ ਨਾ ,ਪੂਰੇ ਅਰਥ ਨਾ ਮੈਂਨੂੰ ਔਣ
ਮੈਂਨੂੰ ਪਤਾ ਨਾ ਲੱਗੇ ਮੈਂ ਕੌਣ
ਸੋਚ ਸੋਚ ਆਪ ਨੂੰ ਨਹੀਂ ਸਮਝਾ ,ਸੋਚਣਾ ਦਿਤਾ ਛਡ
ਸੋਚਿਆ ਜੇ ਮੈਂ ਉਸ ਦਾ ਰਤਿਆ ਦੁਵੀਧਾ ਚੋਂ ਆਪ ਲਏਗਾ ਕਢ
ਤਦ ਸ਼ਾਇਦ ਭੇਦ ਖੁਲੇ ਮੈਂ ਹਾਂ ਕੌਣ
ਹਾਲ ਤਾਂ ਜੀ ਲਈਏ ਉੱਚੀ ਕਰਕੇ ਧੌਣ
No comments:
Post a Comment